Gaur dira 130 urte Augusto Cesar Sandino iraultzailea jaio zela. 1895eko maiatzaren 18an jaio zen, Niquinohomo herrian. Gregorio Sandino lurjabe aberatsak Margarita Calderon zerbitzariarekin izan zuen seme ez-legitimoa izan zen eta 9 urte bete arte amarekin bizi, ostean, aitaren familiarekin joan zen gero.

Iraultzailea izan zen, EDSN talde militarraren sortzailea, eta 1927 eta 1933 artean Nikaraguako okupazioaren aurkako matxinadaren burua. Estatu Batuetako gobernuak «bidelapur» izendatu zuen arren, bere balentriek heroi bihurtu zuten Latinoamerikako zati handi batean, non inperialismo amerikarraren aurkako erresistentziaren sinbolo bihurtu zen. Estatu Batuetako tropak 1933an erretiratu ziren herrialdetik, erbestetik itzuli zen Juan Bautista Sacasa lehendakariaren hautaketa eta inaugurazioaren ondoren.

Sandino 1934an exekutatu zuten Anastasio Somoza Garcia jeneralaren Guardia Nazionaleko indarrek, eta bi urte geroago estatu kolpe batean boterea eskuratu zuen jeneralak. 1936an Somoza Garciak Guardia Nazionalaren kontrola berreskuratu zuen eta diktadura eta Somoza dinastia ezarri zituen, Nikaragua 40 urtez gobernatu zuena. Sandinoren legatu politikoa Nazio Askapenerako Fronte Sandinistak (FSLN) aldarrikatu zuen, 1979an Somozako gobernua agintetik kendu ostean.

Sandino Nikaraguan goraipatua izan zen eta 2010ean kongresuak aho batez Heroi Nazional izendatu zuen eta gaur egun ikono bat izaten jarraitzen du herrialdean.