Gaurko egunez duela 10 urte Nepalek 7,8ko magnitudeko lurrikara jasan zuen. 2015eko apirilaren 25 horretan 8.962 pertsona hil ziren eta beste 21.952 zaurituak izan ziren, Nepalen bertan, baina Indian, Txinan eta Bangladeshen ere bai.

Epizentroa Gorkha barrutiaren ekialdean izan zuen, Katmanduko erdigunetik 85 km ipar-mendebaldera gutxi gorabehera, eta hipozentroa 8,2 km inguruko sakoneran (5,1 mi). 1934ko Nepal-India lurrikaratik Nepal astindu zuen hondamendi naturalik larriena izan zen.

Kalte material garrantzitsuenen artean Katmanduko Basantapur Durbar plaza eta beste eraikin enblematiko batzuk, hala nola Dharahara dorrea eta Manakamana tenplua daude. Era berean, lurrikarak suntsiketa eta baliabideen defizita ekarri zuenez, krisi humanitarioa eragin zuen horrek.

Krisi horren ondorioz, 9,5 milioi pertsonak (Nepalgo biztanleriaren laurden bat) laguntza humanitarioa behar izan zuten, 2,8 milioi pertsona barne desplazatuak izan ziren eta 1,4 milioi pertsonak janaria behar izan zuten. Horregatik, hondamendi hau dela eta, nazioarteko komunitatearen zati handi batek elikagaiak eta bilaketa- eta erreskate-ekipoak bidaltzen lagundu zituen kaltetutako tokiak.