Gaur 30 urte hil zen Fabio Casartelli txirrindulari italiarra, 1995eko Tourrean. Istripua 15. etapan gertatu zen, 1995eko uztailaren 18an, 34. kilometroan, Pirinioetan, Col de Portet d'Aspet jaisten ari zela.

Casartellik eroriko larria izan zuen, oraindik kaskorik ez zeramaten garaian. Burezurrean haustura ugari izan zituen asfaltoaren aurkako talka gogorraren ondorioz, eta odol asko galdu zuen. Zerbitzu medikoak saiatu arren, helikopteroan hil zen, inguruko herri bateko ospitale batera eramaten ari zirela.

Telebistan ikusi ahal izan ziren irudiak benetan beldurgarriak izan ziren. Garai hartan ez ziren horrelako gertaerak gaitzesten. Etapa lehiatzen jarraitu zen eta Tourreko antolakuntza txirrindulariei gertatutakoa ezkutatzen saiatu zen, baina hain zen handia antolakuntzako autoen eta kirol zuzendarien nahigabea, non albistea zabaltzen joan zen eta ezin izan zen ezbeharra ezkutatu.

Ordutik, Tourraren antolakuntzak eta UCIk txirrindulari guztiek kaskoa erabiltzea planteatu zuten, baina 2003. urtera arte ez zen derrigor ezarri.

Fabio Casartelli Albese-Comon jaioa zen 1970eko abuztuaren 16an. Txirrindulari italiarrak errepideko txirrindularitzako urrezko domina irabazi zuen 1992ko Bartzelonako Olinpiar Jokoetan.