Elyas Medini influencerrak, sareetan Lyas bezala ezagunak, Pariseko Moda Astea demokratizatu nahi izan du desfileak ikusteko festa bat antolatuz. Pantaila erraldoi bat jarri du bere jarraitzaileek, gehienak moda zaleak, berarekin une hori partekatu ahal izan dezaten. Ideia kirol ekitaldietaz atera zuen, non zaleak pantaila baten bueltan elkartzen diren ikusten ari direnaz gozatu eta hitz egiteko.

«Ideia bururatu zitzaidan Diorrek gonbidapena ukatu zidanean. Beraz, neure buruari esan nion: ‘Ez zait inporta, ikuskizun hau ikusi nahi dut, ikusi nahi dut eta ez dut bakarrik ikusi nahi telefonoan, metroan edo beste zerbait egiten ari naizen bitartean’. Beraz, sare sozialetan jarraitzen nauten guztiak gonbidatu nituen nirekin bat egitera. Sarritan joaten naizen taberna batean ikusi genuen. Arrakasta izan zuen, 350 pertsona bertaratu zirelako, aurreko egunean iragarri nuen arren», azaldu du antolatzaileak.

26 urteko infkuencerraren helburua da «elitismoan oinarritutako ingurune bat demokratizatzea eta inklusiboa egitea. Eta horixe egiten ari gara, ikusten duzuenez, ez dago gonbidatu zerrendarik. Edonor sar daiteke. Baldintza bakarra ezpainetako gorria jantzi behar duzula da! Zergatik? Eta zergatik ez? Ez, benetako arrazoia jakin nahi duzu? MAC Cosmetics babeslea delako da, hau antolatzeak dirua balio duelako».

«Denak maila berean gaude. Lehenengo iristen denak aukeratzen du non eseri. Ez dago hierarkiarik, moda desfileetan bezala», azpimarratu du Louna Caltaginone moda eskolako ikasleak.

Bertan zegoen ere Txileko Luciana, moda zalea: «Lyasek, horma hau musukatzeko esan zigun. Berak ezpain gorriak eramaten ditu beti, beraz, hemen gaude gauza bera egiteko eta komunitatearen parte izateko. Sartuko gara eta denok ezpainak margotuko ditugu, beraz, uste dut oso dibertigarria dela».

Tamara Bakaj moda-diseinatzaileakl «aukera paregabea» dela uste du moda-desfileetara etortzeko gonbidatuta ez dauden pertsonentzat. «Modaren industrian urrats txikiak ematea bezala da. Gainera, lagunak egiten dituzu, ondo pasatzen ari zara eta sareak sortzen dituzu», aipatu du.

Lyasen jarraitzailea den Lorenzo italiarrarentzat oso ekimen baikorra da. «Uste dut pertsona hauekin guztiekin lotura-une bat dela, bakoitzak bere estiloa duelarik. Jende mota desberdina ezagutu dezakezu, eta hori nahiko interesgarria iruditzen zait maila pertsonalean, eta oso atsegina ere iruditzen zait», esan du.