Herriko zortzi establezimenduk hartuko dute parte Amurrioko ‘Mikoturismo Egunak’ ekimenaren 22. edizioan. Hiru asteburutan zehar egingo da, urria eta azaroa bitartean, eta pintxo lehiaketa izango da.

Hurrengo azaroaren 1ean eta 2an, perretxikoak sailkatzeko eta erakusteko ohiko jardunaldiak egingo dira, iragarri du Udalak ohar baten bidez.

Perretxikoekin egindako pintxoen lehiaketan zortzi ostalaritza-establezimenduk hartuko dute parte: Albizabal, Atxubi Barria, Biderdi, El Rinconcito, La Última Ronda, Taberna Fronton, Txoko Gorri eta Ustai Jatetxea.

Pintxoak 12.00etatik 14.30era bitartean dastatu ahal izango dira, urriaren 18, 19, 25 eta 26an eta azaroaren 1 eta 2an. Lehiaketak bi sari banatuko ditu: epaimahaiak aukeratzen duen pintxo onenarentzat izango da bat. 200 eurokoa eta plaka bat jasoko du irabazleak. Bigarren saria herritarrek erabakiko dute dituena; bozketa bidez, eta 150 euro eta plaka bat eskuratuko ditu sarituak.

Herri-bozketan parte hartzeko, gutxienez sei espezialitate probatu beharko dira. Bozketan parte hartzen dutenen artean 200 euroko bi sari zozketatuko dira. Gastronomia arloan, pintxoak dastatzeaz gain, Abiaga eta Bideko jatetxeek sasoiko perretxikoekin egindako menuak eskainiko dituzte.