Arabako Foru Gobernu Kontseiluak Gizarte Ongizaterako Foru Erakundearen (GOFE) 2025eko enplegu publikoaren eskaintza onetsi du. Zortzi kategoriatan banatutako 58 funtzionario plaza ditu, eta plantilla berritzea eta enplegua egonkortzea ditu helburu.

Plaza gehienak erizaintzako laguntzaileen kategoriakoak dira. 2026an, azken ekitaldietan onetsitako EPE-etako hautaprobei berriro eustea aurreikusten da, bitarteko langileen egonkortze prozesua amaitu ondoren.

Gizarte Politiken Sailak proposatuta, urte bukaeran onetsi den enplegu publikoaren eskaintzako plazak honela banatzen dira: Erizaintzako laguntzailea (C2) 31 plaza, Erizaina (A2) 11 plaza, Monitoreak (Gizarteratzea) (C1) 7 plaza, Administrariak (C1) 4 plaza, Egoitzako medikuak (A1) 2 plaza, Gizartegintzako goi teknikaria (A1) plaza 1, Langile arloko erdi-mailako teknikariak (A2) plaza 1, Sukaldeko laguntzailea (C2) plaza 1.

58 plazetatik 51 sarbide librekoak izango dira, eta gainerakoak barne sustapeneko sistemakoak.

Lau plaza desgaitasuna duten pertsonentzako izango dira eta 27k euskarako derrigortasun datadun hizkuntza eskakizuna dute. Deialdi honek ahalik eta gehien aprobetxatuko du legeak ezarritako birjartze tasa.

Enplegu publikoaren behin-behinekotasun tasa %8tik behera mantentzea da helburua, eta, beraz, GOFEk datozen ekitaldietan hainbat hautaketa prozesuren deialdiak egitea dauka aurreikusita. Horrela, 2026an, hautaketa proba berriak deitu eta hasiko dira.