Askok gogoan izango duzue ‘Escape to Victory’ (John Huston, 1981) filma, seguruenik zinemazale guztiek gogokoa duten futboleko film bakarra izango delako. Zuzendari handi bat (John Huston), lehen mailako aktoreak eta garaiko futbol jokalari ezagunak (Michael Caine, Pelé, Sylvester Stallone, Bobby Moore, Osvaldo Ardiles...) eta benetako gertaera batean oinarritutako istorioa. Osagai hauekin eraiki zuen Hustonek 45 urte beranduago klasikoa bihurtu zen filmea. 

Gidoian ‘kirol-erregeak’ duen garrantzia definitzen duten esaldi ugari aurkitu daitezke, baina ‘Escape to Victory’ futbolari buruzko pelikula bat baino gehiago da. Adibide bat: «Herrialdeek euren arteko ezberdintasunak futbol zelai batean konpondu beharko lituzkete», botatzen dio Karl von Steiner maiorrak (Max von Sydow), gerra aurretik Alemaniako selekzioko jokalari izandakoak, presoen John Colby kapitain aliatuari (Micael Caine).

Sobietar Batasun oihan (gaur egun, Ukraina), Bigarren Mundu Gerran, gertatu zen gertaera batean oinarritu ziren. Nazien okupazioaren egunetan, 1942ko uztailean, Dinamo Kieveko zortzi jokalarik eta Lokomotiv Kieveko hiruk osatutako FC Startek (Football Club Start) alemaniarren talde batzuen aurka jokatu behar izan zuen. 

Partida guztiak erraz irabazi zizkieten, baita finala ere. Kontzentrazio eremu batean sartu eta torturatu zituzten naziek. 

Hustonek kokapena aldatu zuen –Estatu frantsesa– eta bukaera. Futboleko eszenei sinesgarritasuna emateko, Peléri jokoaren koreografia enkargatu zion eta jokalari profesionalak erakarri zezan eskatu zioten, Bobby Moore bezala.