Gaur 39 urte Diego Maradonak bere bi gol famatuenak sartu zituen Mexikon

‘Mendeko gola’ eta ‘Jainkoaren eskua’ deritzoten bi golak sartu zituen Diego Maradona futbol jokalari argentinarrak gaurko egunez 1986an. Argentinaren eta Ingalaterraren arteko partidu batean izan zen, Mexiko Hiriko Azteca estadioan.

1986ko ekainaren 22an Diego Maradona Argentinako futbol jokalari ospetsuak ‘Mendeko gola’ eta ‘Jainkoaren eskua’ izeneko golak sartu zituen, jokalari bezala egindako ibilbideko bere bi gol famatuenak sartu zituen Ingalaterraren aurkako partidu batean, Mexiko Hirian dagoen Estadio Azteca futbol-zelaian.

‘Mendeko gola’ deritzona FIFAren Munduko Futbol Kopako final-laurdenetako partida batean sartutako golik onenaren saria da. FIFAren webgunean 2002an egindako inkesta batekin erabaki zuten. Irabazlea Maradonarena izan zen, partiduaren 55. minutuan sartu zuen gola, hain zuzen.

Gol hau sartu baino minutu batzuk lehenago ‘Jainkoaren eskua’ izenekoa sartu zuen Diego Maradonak. Izan ere, ukabilarekin jo zuen baloia. Izena Argentinak 2-1 irabazitako partiduaren ondoren egindako elkarrizketa batetik dator zeinetan Maradonak berak aitortu zuen tantoa «apur bat buruarekin eta apur bat Jainkoaren eskuarekin» markatu zuela, eta horrela bataiatu zuen mundu osoko prentsak.

Urte batzuk geroago, bere biografian, jokalari argentinarrak «Diegoren eskua» izan zela esanez zuzendu zuen 1986an esandakoa. Honen omenez, 2021ean Paolo Sorrentino zinema-zuzendari italiarrak ‘Jainkoaren eskua izan zen’ pelikula estreinatu zuen.