Gaurko egunez hil zen Kamini Roy sufragista bengaliarra

Kamini Roy poeta, maistra, idazle eta feminista bengaliarra gaurko egunez hil zen, 1933an. 1886an, Britainia Handiko lehen emakume graduatua izan zen. Jarduera sufragistagatik eta emakumeek hezkuntzarako dituzten eskubideen defentsagatik nabarmendu zen.

Bengaliar eliteko familia batekoa zen Kamini Roy. Barisalen sortu zen, 1864ko urriaren 12an. Chandi Charan Sen epaile eta poetaren alaba zen eta etxean hasi zen prestatzen bere liburutegi zabalean. Matematikarako erraztasuna izan arren, sanskritoa ikastea erabaki zuen. 1883an hasi zen ikasten Bethune Collegen, Calcutako Unibertsitateari atxikitako emakume-unibertsitate batean. 1849an ezarri zuten neskentzako eskola gisa, eta 1879an onartu. Asiako emakume-unibertsitate zaharrena izan zen. Sanskritoko irakasle gisa graduatu zen 1886an, ohoreekin, eta 1886an unibertsitate berean hasi zen irakasle lanetan.

Emakumeek ikasteko eskubidearen defendatzaile sutsua izan zen.

Rabindranath Tagore poetak eta sanskritoko literaturak eraginda, bere lehen bertso bilduma argitaratu zuen.

Bost urtez hainbat liburu argitaratzen jarraitu zuen, harik eta 1894an, 30 urterekin, Kedarnath Royrekin ezkondu eta bi seme-alaba izan zituen arte. Idazketa eta irakaskuntza utzi zituen orduan.

1909an alargundu eta seme zaharraren heriotzaren ondoren, idazketari ekin zion berriz. Banga Mahila Samiti enpresako emakume-batzordearekin bat egin zuen eta emakumeentzako gizarte-erreformako hainbat proiektutan lan egin zuen.