Santurtziko Sardinera Egunak herriko azken saregilea omenduko du urriaren 4an

Arantxa Magunazekaia, Santurtziko azken sargilea, omenduko dute herrian, urriaren 4an, Sardinera Egunean. Hainbat jarduera izango dira egunean zehar omenaldiarekin batera, eta horien arten estrainekoz eingo duten sardina-lehiaketa.

Santurtziko Udalak antolatuta, Sardinera Egunak Arantxa Magunazekaia, azken saregile santurtziarra, omenduko du urriaren 4an.

Sardinera Egunak emakumea omentzen du udalerriko figura unibertsalena den sardineraren figuran gorpuztuta. Egun hori dela eta, aurten omenaldiak «marinelen bizitzan funtsezkoa den ofizioa» izango du ardatz, Karmele Tubilla Santurtziko alkateak eta Itziar Carrocera Kultura, Euskara eta Kirol zinegotziak jakinarazi dutenez. Izan ere, egun horren esanahia dela eta, Soterari omenaldi txiki bat egingo zaio plaka bat inauguratuz.

Omenaldi honekin, «gure tradizioari eta Santurtzin historian zehar emakumeek izan duten paper garrantzitsuari bizirik eutsi nahi diogu», azaldu dute udal ordezkariek.

Arantxa Magunazelaiari, udalerriko azken saregileari, egindako omenaldian, «hainbeste emakumek egindako ahalegina eta itsasontziek berriro arrantzan egin ahal izateko funtsezkoa zen lanbide gogorra» nabarmenduko dira.

«Lagun artean egun bat pasatzea, gure jendea omenduz, horixe da helburu nagusia. Azken batean, Santurtziko arrantzale tradizioa gogoratzeko eguna ospatzea, giro alai, festazale eta parte hartzailean. Izan ginena eta gure jatorria, inoiz galdu behar ez ditugunak», adierazi du Carrocerak.

Egun osoan zehar hainbat ekitaldi izango dira, hala nola tailerrak, erakusketak, eskulanak eta haurrentzako jolasak, ohiko omenaldia, kalejira herriko hainbat elkarte eta talderen partaidetzarekin, bazkari herrikoia, erromeria eta sardina-jana.

Gainera, aurten jarduera berri bat izango da, I. sardina-lehiaketa arrantza portuann. Alkateak santurtziarrak eta inguruko herrietako bizilagunak parte hartzera animatu ditu, «gure iragana gogoratuz, baina etorkizunari begira, herriko dozenaka elkarte eta kolektiboren parte-hartzearen emaitza den jarduera programa batekin, udalerri bezala ezaugarritzen gaituena».

Astelehen honetatik aurrera herri bazkarirako txartelak salgai daude Santurtziko turismo bulegoan, 10 euroko prezioan, eta, berrikuntza gisa, sardina-saltzaile lehiaketa egingo da aurten, jantzi tradizionalari eta jarrerari balioa emateko. Parte hartu nahi dutenek ostiral honetatik aurrera eman ahal izango dute izena herriko turismo bulegoan.